احذروااا؟؟؟ محمد حسنين هيكل..بقلم: رافد سطلي...2

اخوتي الكرام سبب كتابتي عن هيكل لأنه شغلته كبرت كثيييير وصار لازم يفهم أنه فيه عالم كاشفته تصوروا عملوا على الجزيرة حلقة معه مشان ينصح كل الرؤساء العرب شو لازم يساووا بالقمة العربية.. أصلا هذا الموضوع أكتبه مباشرة بعد حلقة الجزيرة مع هيكل بمناسبة انعقاد القمة العربية ..على أساس مشان ينصح كل الرؤساء العرب شو يساووا بالقمة العربية بأواخر شهر آذار2009..مع المذيع الأستاذ الذي أحبه محمد كريشان...ولكنه وللأسف من ضمن محبيه ...قلت الآن الشغلة طازجة يعني مازالت الكلمات في الرؤوس ولاداعي لأن تتعبوا انفسكم بالرجوع لحلقات قديمة...واما من يقتنع ام لا يقتنع فهذا ليس شأني انما شأني هو ان أقوم بواجبي بالتوعية ضمن قدراتي
..
ساله المذيع عن تصوراته ونصائحه للقمة العربية...فقال أهم شيء انهم ما يشتغلوا وفقا لجدول الأعمال...لازم يرموه ويشتغلوا وفقا للاحداث..وكل مرة يرجع ويعيد نفس الجملة لكن بصياغات مختلفة...بربكم..نحنا الشغلة الوحيدة المنظمة عندنا وفيها جدول أعمال هي القمة العربية....يعني نحن مشهورون بان أعمالنا غير منظمة ..فهو استكثر علينا أنه نعمل شغلة منظمة اسمها القمة العربية..حتى القمة العربية لم ينجحوا بتحديد وقتها..فقالوا ..أواخر شهر آذار..هذه هي مواعيدنا...نعم قمة ..تعقد بتاريخ أواخر الشهر...لكن الجماعة بيعملوا جدول مشان يتفقوا ويناقشوا النقاط بطريقة منظمة ومحترمة...انا بصراحة أكثر شيء بيعجبني بالقمم العربية أنه م بيتفقوا على رئيس للجلسة ولكلهم بيسمعوا كلامه وكلهم بيطلبوا الاذن قبل الحديث..وهذا أمر جدا هام..معناه فيه أمل أنه نتفق على شغلات أكبر من هيك مع الأيام...بس ما تسألوني عن التاريخ بالضبط....سأله المذيع حول قضية الرئيس السوداني...فتهرب منها ببراعة خيالية ..فقال نحن مقصرون أكثر من كوننا مجرمين أم غير مجرمين..وأخو أخته بيفهم هيك جواب على سؤال واضح...هذه المقدمة ..والحلو لقدام..سأله الأستاذ كريشان عن دول الممانعة ودول الاعتدال..وما سيحدث بالقمة...فقال له ليس هناك معسكر ممانعة ومعسكر اعتدال انما هناك معسكر بقاء....هذه هي طريقته برش ولطش الكلمات التي تلعب لعبها لدرجة أنك تنسى الموضوع الأصلي وتبقى الكلمات ...وهذه من ضمن فنون علم الكلام..كيف توظف الكلمة لتبقى...اخوتي الكرام...هل رأيتم أقوى من هكذا تضييع لتوصيف الواقع...طلعوا كل العالم متفقين على معسكر البقاء..يعني كل شيء صار بلبنان وغزة ومعبر رفح ومصادرة العشر ملايين دولار اللي كان مدخلهم مسؤول حماس للداخل للمساعدة وليس مطالعهم على سويسرا..ومنع كل من تم منعه...من مساعدة غزة..وكل وكل شيء صار طلع فيه أنه كل الناس مثل بعضها..لاتقولوا لي عم دافع عن سوريا ...اللي كانت كل نهار وقتها عم يبهدلوا فيها بأجهزة الاعاام اللي بحبها كثييييييييير الدكتور هيكل...أنا أصف لكم واقعا قريبا.. والحمد لله ما صار لها شيء الشغلة ....وكل هالاحداث اللي هو لفها بكلمة معسكر البقاء...يعني لطش كل الدول بلطشة واحدة...وساواها مع بعضها...في المواقف المهم عنده انه ما يطالع الجماعة تبعه بسواد الوجه ...يعني مستعد يقلب التاريخ القديم والحديث والقريب والأقرب حتى تاريخ اليوم ...لكن الشهادة لله ..فنان...صح فيه كثير عالم بينضحك عليها بس..أنا عم اكتب مشان يعرف أنه ما كمان فيه كثير عالم ما بينضحك عليها...لأنه سوف يقرأ ما أكتب ..بعدين على خلاف الآراء بين الدول ..قال ليس كل واحد رأيه مختلف ..انما غطاؤه مختلف....كلمة كبيييييييييييييرة من كلماته التي تعلق بالذاكرة..بطريقته الفنية...ولكن نحن هنا ولا أقصد أنا وانما أقصد كل من ينتبه لخطورة هذا الرجل...انه مرعب مرعب بكل ماتعني هذه الكلمة...بربكم من كان غطاء سورية عندما نصرت أهلنا في لبنان...لك يا جماعة صارت حرب لبنان عام 2006 عندما كانت كل دول العالم غضبانة علينا..وان كنت ناسي أفكرك....وليس غضبانة بل المخطط هو الاجهاز على سورية بعد الانتهاء من وجبة لبنان...يعني الجماعة كانوا على أساس أنه لبنان هو المقبلات..طبعا لبنان فيه بنات حلوات مثل هيفاء وهبة لكن أمثالها ومشجعيها لم يقصفوا ......لغاية في نفس يعقوب...أي غطاء وفي حرب غزة لم يصدر تصريح واحد من سوريا بسبب ارتباك المنطقة..وقيادتنا تخطط وتساعد بطريقتها ..التي أحييها عليها...بينما كان بعض العالم كل نهار بينقرونا خطاب ..طبعا لا أتابعه..ما بعرف أي غطاء كان لسوريا في كل الأحداث التي جرت.....أحداث جسام عم تمر علىرأسنا وهو بيعملي غطاء...بس ما يكون قصده ايران...هنا احب أن أذكركم وأذكره ان سوريا هي التي كانت غطاء ايران عندما لم تكن ايران تمتلك شيئا باستثناء القوة البشرية في حرب الخليج التي انتهت عام 1988 ...يعني سوريا سندت ايران ثمان سنوات وغطتها .. لأنها كانت على حق أي ايران...وشهد بسبب الحرب شاهد على العصر مع أحمد منصور بكيف ولماذا شن صدام حسين حربه على ايران مستغلا وقتها فترة عدم التنظيم والارتباك السياسي بسبب التحول من نظام الشاه الى نظام الخميني وقتها...ثم بماذا ستغطينا ايران ياحسرة..أصلا هي محاصرة..ثم أي غطاء وسوريادفعت وتدفع الكثير ثمنا لدعمها لاخوتنا في العراق.. واذا كان هو نسيان فانا أذكره بآخر الحوادث عندما قصفوا المواطنين السوريين في مدينة البوكمال....أي غطاء والمصائب ما كنا عم نلحق نعدها....يا جماعة مرينا بفترة الأمم المتحدة شوية ثانية راح يحكوا شامي من كثرة القرارات اللي طالعوها مشان وبسبب سوريا خفية وعلنا والتصريحات سبعة على سبعة ...كل هذا وبيعملي هيكل كل واحد غطاؤه مختلف....أي غطاء..بس ما يكون قصده روسيا...لااااااااااااااا اذا هيك معناها الشغلة ....معناها لازم نرجع نشرح أوضاع دول العالم من الصفر وهذا ليس موضوعنا...أصلا حصل الانفتاح على سوريا فقط بعد حرب غزة ...وبدأت الوفود تحج الينا بعد ان عرفوا من نحن ...وعرفوا أصالتنا...ياجماعة...حاسس حالي ما راح خلص كتابة بسبب كثرة توارد الأفكار...حتاما أختم بأنني توقفت عن متابعة الحلقة الخاصة بالقمة تقريبا في منتصفها...بصراحة لأنني لم أعد أحتمل

» صحيفة الفاتيكان تدعو البنوك الغربية لاتباع نظام الاقتصاد الاسلامي..بقلم رافد سطلي
» محمد حسنين هيكل
» احذرواااا؟؟؟؟ الدكتور محمد حسنين هيكل
» فرقة الاخوة أبو شعر..اللهم صلي على سيدنا محمد
» تفسير القرآن للشيخ محمد متولي الشعراوي